Леа Сејду е новата Мерилин Монро во кампањата за чантата Капучин на Луј Витон

САД- Некој го сака тоа жешко: Леа Сејду не е завршена со истражување на различните лица на Мерилин Монро.

Откако се инспирираше од секс-симболот за декемвриското издание на француски Вог, француската актерка ги повторува некои од најпознатите фотосесии на Монро во нејзината последна кампања на Луј Витон, за безвременскиот модел на ќанта  со чанта „Капучин“.

Фотографиите ги потпиша Стивен Мејзел, во уметничка режија на Никола Гескиер, уметнички директор на женски колекции во Витон. Повторена е фотосесијата на Ева Арнолд од голата Монро која се тркала во кревет, како и фотосесијата „ The Last Sitting“ со Берт Стерн, што се одржа шест недели пред легендата да почине во 1962 година.

На неодамнешното снимање за францускиот Вог со Аласдеир Меклелан, Сејду повторно глумеше познати портрети на Монро од Сесил Битон и Милтон Грин.

Портпаролот на Витон изјави дека додека Монро е „вечен извор на инспирација“, фотографиите се однесуваат и на фантазијата на „Бонд девојките“. Сејду треба да ја повтори улогата на Медлин Свон наспроти Даниел Крег во претстојниот филм за Џејмс Бонд „No Time to Die,” чија премиера е закажана за во октомври по неколку одложувања поради пандемијата на коронавирус.

„Кампањата ја прикажува интимната врска помеѓу жената и нејзината торба и ја истакнува безвременската елеганција на торбата Капучин“, стои во соопштението на брендот. Француската модна куќа го оживува моделот на големата кожена чанта во црна боја , лансиран во 2013 година, како „модерна класика“.

„Капучин за мене претставува најдоброто од францускто знаење и умеење. Многу сум горда што сум амбасадор на оваа чанта што ја сакам и ја носам секој ден “, рече Сејду, која е амбасадор на брендот Луј Витон од 2016 година.

Кампањата ќе се промовира во априлските изданија на списанијата ширум светот. (WWD)