Урсула фон дер Лајен пристигна во Киев и испрати силна порака за Украина
Претседателката на Европската комисија, Урсула фон дер Лајен денеска пристигна во Киев по повод втората годишнина од руската војна против Украина.
„Во Киев за да ја одбележиме втората годишнина од војната на Русија против Украина. И да го прославиме извонредниот отпор на украинскиот народ“, напиша фон дер Лајен на мрежата X.
Како што додаде таа, Европската унија стои на Украина повеќе од кога било – финансиски, економски, воен и морален.
„Додека земјата конечно не се ослободи“, додаде фон дер Лајен.
In Kyiv to mark the anniversary of the 2nd year of Russia’s war on Ukraine.
And to celebrate the extraordinary resistance of the Ukrainian people.
More than ever, we stand firmly by Ukraine.
Financially, economically, militarily, morally.
Until the country is finally free. pic.twitter.com/ZLWMbOxVFh— Ursula von der Leyen (@vonderleyen) February 24, 2024
Во меѓувреме, украинскиот претседател Володимир Зеленски изјави дека во 2024 година Украина планира не само да се брани, туку и да подготви нова контраофанзива.
Зборувајќи за целите за оваа година во интервју за FoxNews, Зеленски истакна дека во конфронтација со земја како Русија, дури и одбраната е голема задача и предизвик.
Тој нагласи дека во контраофанзивата мора да се размислува и за животите на борците, бидејќи забрзаното движење ќе значи загуба на луѓе, а ако Украина изгуби војници, ќе изгуби сè.
„Одбраната е задача број еден. Ќе ја продолжиме нашата успешна историја на Црното Море. Нема да навлегувам во детали, но тие, Русите, чекаат изненадувања. Важен е југот. Одбраната на истокот е исто така многу важно, каде што имаат повеќе од 200 илјади војници. И, се разбира, ќе подготвиме нова контраофанзива, нова операција. Се разбира, не велам дека само ќе застанеме. Тоа зависи од многу работи“, рече тој.
На прашањето дали претходната контраофанзива би била поуспешна доколку Украина го добиела потребното оружје навреме, Зеленски побара да не се зборува за минатото, но потврди дека на Украина и се потребни системи „патриот“ за заштита на небото, системи со долг дострел со домет од 300 km и слично. Тој рече дека за ова разговара со партнерите, особено со Соединетите Американски Држави.
Според претседателот, сега ситуацијата на бојното поле не е фер, односно силите не се еднакви.