Портпаролката на Навални: Телото на Алексеј ќе биде подложено на хемиско тестирање 14 дена
Руските власти ќе го чуваат телото на починатиот опозициски лидер Алексеј Навални уште 14 дена, изјави неговата портпаролка, пишува dpa.
„Инспекторите им рекоа на адвокатите и мајката на Алексеј дека нема да им го дадат телото. Телото ќе биде под некаков „хемиски преглед“ уште 14 дена“, напиша Кира Јармиш на Х.
The investigators told the lawyers and Alexey's mother that they would not give them the body. The body will be under some sort of "chemical examination" for another 14 days.
— Кира Ярмыш (@Kira_Yarmysh) February 19, 2024
Откако руските власти ја објавија смртта на Навални минатата недела, неговата мајка и адвокатите отпатуваа во сибирската казнена колонија каде што беше задржан за да го извлечат телото, но властите досега им не дозволуваа пристап.
Активистите за човекови права тврдат дека Навални е убиен
Според затворските власти, Навални починал во петокот додека се шетал во дворот на ниски температури, а обидите за реанимација не успеале.
Активистите за човекови права велат дека Навални е убиен. Сопругата на Навални смета дека рускиот претседател Владимир Путин е особено одговорен.
Неколку западни лидери, вклучувајќи го и американскиот претседател Џо Бајден, исто така го сметаат Кремљ за одговорен.