Дијамантите најдобри пријатели на ѕвездите на Греми: Кој носеше најскап накит?

САД- Музичкиот Оскар во Лос Анџелес не беше само парада на тоалети и испишување историја на ѕвездите. Беше и покажување на надмоќ со скапоцениот накит и кај женските и кај машките изведувачи.

Водителот Тревор Ноа –  го продолжи трендот на мажи кои носат накит со Аполо брошот од 35.000 долари на Тифани од 18-каратно жолто злато и платина со дијаманти кој беше беше совршен, вкусен акцент на неговиот обичен црн смокинг „Гучи“.

Поп-ѕвездата Лизо, се капеше во дијаманти од Булгари, во тоалета на „Балмен“. Ѕвездата блескаше со седум парчиња од легендарниот Serpenti накит и два прстени на црвениот килим на Греми.

Околу вратот носеше ѓердан од бело злато Серпенти со еден дијамант во облик на круша (1,15 карати), 37 дијаманти исечени како круша (7,91 карати) и пава дијаманти (42,67 карати). На нејзините уши имаше пар бело-златни и дијамантски обетки со вкупен износ од 5,11 карати, а на нејзиниот зглоб, таа носеше две бело-златни и дијамантски нараквици, од 6,18 карати. Нејзините прстени, кои содржеа еден дијамантски прстен од бело-злато Серпенти и два платински дијамантски прстени со висок накит, имаа 28,67 карати. Од брендот нема информации за цената на неверојатниот накит што го носеше, се проценува на над 45 илјади долари, но не е потребно да се каже дека веројатно и требаше дополнителен телохранител или двајца за да ја придружуваат во зградата.

Подискретен дијамантски накит на „Булгари“ избра и Дуа Липа.

Меган Ти Сталион не само што освои три Греми награди за најдобар нов изведувач, за најдобра рап изведба („Savage“, Megan Thee Stallion со Бијонсе) и за најдобра рап песна (исто така за „Savage“), таа тоалетата на „Долче и Габана“ ја дополни со кралски накит „Шопард“. Дијамантскиот ѓердан од колекцијата „Црвениот тепих“ на брендот,има неверојатни 91,70 карати дијаманти поставени во 18-каратно бело злато и дијамантска нараквица од 83,42 карати, во бело 18-каратно бело злато . Овие две парчиња ги дополни со 33,8 карати дијаманти во облик на круша, поставени во бело 18-каратно злато и дијамантски прстен со крупен брилијантен рез од 3,31 карати, опкружен со 6,47 карати дијаманти, исто така поставено во бело злато од 18 карати. Јасно е дека таа дојде да победи.

Накит Шопард носеше и кантри пејачката Ингрид Андрес, која исто така беше номинирана за најдобар нов изведувач. Додека изгуби од Меган Ти Сталион, таа остави свој белег со неверојатниот бел костум на Армани Приве, раскопчан однапред, за да открие ѓердан кој паѓаше надолу по нејзините гради. Изненадувачки, тој ѓердан наводно бил кристален (сè уште нема информации кој го дизајнирал), но таа сепак имаше простор за накит на ушите и на стите. Нејзините обетки „Шопард“ со во 21,59 карати дијаманти беа  поставени во бело злато од колекцијата „Црвениот тепих“. Таа носеше неколку прстени, вклучително и еден направен од 2,67 карати дијаманти поставени во 18-каратно бело злато и 1,32 карати дијаманти, поставени во 18-каратно бело злато од новата колекција Precious Lace на златарот.

И инди-златарите го добија својот момент на наградите Греми. Дизајнерката Лорен Теетели од брендот Лорен Никол , го имаше своето прво појавување на црвениот килим со Биг Шон. Раперот, пејачот и текстописецот избра елегантен смокинг од Зења-а од накит ѓердан од 22-каратно злато со повеќебојни скапоцени камења како смарагд, рок-кристал, турмалин, аквамарин, танзанит, морганит, думортиерит и перидот. Тој носеше соодветна нараквица од 18.000 американски долари и прстен од жолто злато од 22 каратни кој чини 11.350 американски долари . (според агенциите)