Трагедија: Поранешен играч на Челзи и Њукасл пронајден мртов под урнатините од земјотресот во Турција
Тажна и трагична вест доаѓа од Турција. Поранешниот фудбалер на Челзи и Њукасл, 31-годишниот Кристијан Атсу е пронајден во урнатините по земјотресот што минатата недела ја погоди Турција, но за жал не преживеал, јавуваат турските медиуми.
Веста ја соопшти неговиот агент Мурат Узунмехмет кој на Твитер објави дека фудбалерот од Гана е пронајден и е мртов.
Иако се шпекулираше дека Атсу е пронајден само неколку часа по земјотресот, медиумите брзо ја демантираа таа информација. Ден пред земјотресот, фудбалерот од Гана беше единствениот стрелец во победата на Хатајспор од 1:0 над Касимпас во турската Суперлига.
BREAKING: Hatayspor winger Christian Atsu has tragically been found dead following the earthquakes in Turkey and Syria. pic.twitter.com/awqZujvz9O
— Sky Sports News (@SkySportsNews) February 18, 2023
Кариерата ја започна во Порто, од кој во 2013 година премина во Челзи. Не играше добро во Лондон, беше на бројни позајмици, а на крајот беше купен од Њукасл и таму остана од 2016 до 2021 година. Тој во Турција пристигна на почетокот на оваа сезона од Саудиски Ал Раед. За репрезентацијата на Гана настапи 65 пати и во девет наврати беше стрелец.
Ghana soccer star Christian Atsu’s body found under rubble in Turkey quake: agent https://t.co/fUnUAUXly7 pic.twitter.com/lfYkKTguGi
— New York Post (@nypost) February 18, 2023