Русија загуби и капетан на голем десантен брод
Капетанот Александар Чирва раководеше со бродот „Цезар Куников“ пред да биде убиен во битка
Русија претрпе загуба на уште еден висок офицер откако капетанот на голем десантен брод на Црното Море беше убиен во војната во Украина.
Капетанот Александар Чирва почина од раните здобиени во битка со украинските бранители, изјави гувернерот Михаил Развозаев.
Неговата смрт е само последна во низата смртни случаи од висок профил за руската војска, која доаѓа по осумте генерали веќе убиени во акција од почетокот на војната. Украина тврди дека се убиени неверојатни 20.800 руски војници.
Чирва беше капетан од трето рангирање од поморско семејство кој зад себе остави сопруга и син. Непотврдени информации сугерираат дека погребот на Крива бил одржан во кримскиот град Севастопол, од каде што бил.
Тој беше командант на големиот, 110-метарски десантен брод „Цезар Куников“, способен да носи десет главни борбени тенкови плус 340 војници како дел од Црноморската флота.
Се смета дека „Цезар Куников“ бил оштетен за време на украински ракетен напад врз десантни бродови кои истоварувале резерви во стратешкото пристаниште Бердјанск на 24 март, но не е јасно дали тоа бил инцидентот што довел до смрт на капетанот.
Сестринскиот десантен брод на Куников, „Орс“, беше погоден и на крајот потона додека беше во пристаништето, бидејќи неговата локација беше објавена на руската државна пропаганда.
Се претпоставува дека Чирва и неговиот брод биле вклучени во спасувачката операција, при што пожарот од „Орск“, наводно, се проширил на други пловни објекти, како и на складиште за муниција и на терминал за гориво во пристаништето.
„Денес се простивме од Александар Григориевич Чирва“, рече Развозаев без да даде повеќе детали за околностите на неговата смрт. „Неговата храброст, професионализам и искуство ги спасија животите на членовите на екипажот“.