Притворен син на холивудски агент откако женско торзо било пронајдено во контејнер

Сем Хаскел, чиј татко ги застапуваше Доли Партон, Џорџ Клуни и британски принц, е осомничен за убиство на сопругата и нејзините родители во Лос Анџелес откако властите соопштија дека го откриле крвавото торзо во контејнер во трговски центар. Капетанот Скот Вилијамс од одделот за грабежи и убиства  рече дека торзото откриено во трговскиот центар Енсино, на пет милји од домот на Хаскел, се претпоставува дека е сопругата на Хаскел, Меи Хаскел, додека родителите се водат како исчезнати.

Телото е откриено откако работниците во домот на Хаскел пријавиле дека виделе човечки остатоци  кои подоцна исчезнале. Следниот ден, бездомник кој барал материјал што може да се рециклира во контејнер помеѓу ресторан и фризерски салон, го нашол женското торзо набиено во торба за чамци.

Лос Анџелес Тајмс објави дека осомничениот, Хаскел, неговата сопруга Меи и нејзините родители, Јанксианг Ванг и Гаошен Ли, живееле во еднокатна куќа во Тарзана, Калифорнија, каде детективите пронашле крв и докази за убиството и распарчувањето.

Осомничениот и неговата сопруга имаат три деца,  кои биле на училиште кога е пронајдено телото и сега се со членови на семејството. Тајмс објави дека во декември 2008 година, Хаскел бил уапсен и обвинет за два напади  со смртоносно оружје, по што добил тригодишна условна казна. Еден сосед изјавил за ABC 7 News дека имал чувство дека нешто не било во ред со него и дека бил чуден.

Осомничениот е син на Сем Хаскел, поранешен агент за таленти  кој ги застапувал ѕвездите од А-листата, вклучувајќи ги Доли Партон, Џорџ Клуни, Вупи Голдберг и принцот Едвард.