Огромна експлозија на бензинска пумпа во Рим, неколку повредени (видео)
Неколку лица се повредени, вклучувајќи тројца со сериозни изгореници, по експлозија на бензинска пумпа во источен Рим, според извештаите на локалните медиуми.
Огромната експлозија се случила на бензинска пумпа која дистрибуира бензин, дизел и течен нафтен гас (LPG) на Виа деи Гордијани, и се слушнала низ целиот италијански главен град.
Според првичните информации, несреќата се случила кратко по 8 часот наутро поради одвојување на пумпата од резервоарот што ја напојувал фабриката. Чадот бил видлив од поголемиот дел од градот.
BREAKING: Massive explosion at gas depot in Rome, Italy. Multiple injuries. pic.twitter.com/tlAcJSURLN
— AZ Intel (@AZ_Intel_) July 4, 2025
Според првичните извештаи, пожарникарите биле повикани на камион кој удрил во цевка, а кога пристигнале на местото на настанот, имало експлозија која ги зафатила и амбулантните возила што веќе биле присутни.
ALLUCINANTE L’ESPLOSIONE A ROMA CENTOCELLE SENTITA IN ZONA PRATI, MI SONO TREMATE TUTTE LE FINESTRE IN UFFICIO E LA FOTOCOPIATRICE SI MUOVEVA COME SE CI FOSSE IL TERREMOTO pic.twitter.com/hBk0An8PZG
— 𝗩𝗮𝗹𝗲𝗿𝗶𝗮 – 𝗦𝗜𝗠𝗨𝗘𝗟 𝗖𝗔𝗡𝗢𝗡 (@quelladelleship) July 4, 2025
Експлозијата предизвикала штета на некои блиски згради, додека пламените јазици го зафатиле судскиот магацин што се наоѓа зад бензинската пумпа. Се наведува дека се повредени и некои минувачи.
Локалниот портал Roma Today објави фотографија на која се гледа огромен облак од чад и оган над бензинската пумпа.
Агенцијата за јавен превоз на Рим, Атак, објави дека по наредба на полицијата ја затворила блиската метро станица „Теано“.