ЦДЦ истражува случаи на миокардитис кај помлади кои примиле вакцина

Случаи на воспаление на срцевиот мускул, миокардитис, се пријавени кај тинејџери и млади возрасни кои примиле вакцина против КОВИД-19, соопшти советодавната група на Центрите за контрола и превенција на болести на САД (ЦДЦ), препорачувајќи понатамошно истражување на оваа ретка состојба.
Советодавниот комитет за практики на имунизација на ЦДЦ на 17 мај соопшти дека ги проучувал извештаите во кои неколку млади луѓе, претежно тинејџери и млади возрасни лица, главно мажи, развиле миокардитис – воспаление на срцевиот мускул.

Состојбата генерално поминува без компликации и може да биде предизвикана од разни вируси, соопшти ЦДЦ.

Системите за надзор на ЦДЦ не пронајдоа повеќе случаи отколку што се очекуваше кај населението, но членовите на комитетот за вакцинација сметаат дека давателите на здравствени услуги треба да бидат свесни за извештаите за „потенцијално штетни состојби“, соопшти комитетот.

Не е познато колку луѓе имаат развиено миокардитис и се препорачуваат понатамошни истражувања.

Д-р Амеш Адаjа, виш научник од Центарот за здравствена безбедност „Џон Хопкинс“, вели дека се знае дека вакцините предизвикуваат миокардитис и дека е важно да се следи ова за да се утврди дали е каузално поврзана со вакцината. Важно е да се има во предвид и односот ризик-корист, додаде тој. „Вакцините несомнено ќе бидат многу покорисни и го надминуваат овој многу низок, ако конечно се утврди, ризик.

ЦДЦ соопшти дека случаите најчесто се јавуваат во рок од четири дена по приемот на мРНА вакцината. Не е прецизирано за која вакцина станува збор. САД дадоа одобрение за итни случаи за две mRNA вакцини, од Модерна и Фајзер/БионТек. 

Израелското министерство за здравство во април соопшти дека проучува мал број случаи на миокардитис кај луѓе кои примиле вакцина Фајзер, иако сè уште не се донесени заклучоци. Повеќето случаи во Израел се пријавени кај лица помлади од 30 години.

Фајзер тогаш соопшти дека не забележал поголема стапка на случаи отколку што би била нормална кај општата популација и дека не е утврдена каузална врска со вакцината.

Фајзер и Модерна не одговорија веднаш на барањата за коментар во саботата.

ЦДЦ на крајот на април, по веста за израелската истрага, рече дека не гледа врска меѓу нив.

Претходно овој месец, регулаторите на САД го продолжија одобрувањето на Pfizer и BioNTech против КОВИД-19 за деца на возраст од 12 до 15 години.

Њујорк Тајмс претходно извести за изјавата на ЦДЦ.