Бројот на жртвите во Мексико е ревидиран за 60% и скокна дури на 321.000

Владата на Мексико во саботата призна дека вистинскиот број на жртви во земјата од пандемијата на корона вирусот сега е над 321.000, што е речиси 60% повеќе од официјалната бројка од 201.429.

Мексико прави малку тестирања и бидејќи болниците беа преполни, многу Мексиканци починаа дома без да направат тест. Единствениот начин да се добие јасна слика е да се прегледаат „вишокот смртни случаи“ и да се прегледаат уверенијата за смрт, јавија агенциите.

Во саботата, владата тивко објави таков извештај, според кој има 294,287 смртни случаи поврзани со Ковид-19 од почетокот на пандемијата до 14 февруари. Од 15 февруари има дополнителни 26.772 смртни случаи потврдени со тест.

Поголемиот број ќе го престигне оној на Бразил, кој во моментов има втор најголем број на смртни случаи во светот по Соединетите Држави. Но, населението во Мексико од 126 милиони е далеку помало од овие две земји.

Новиот извештај исто така потврдува колку смртоносен бил вториот бран на Мексико во јануари. До крајот на декември, проценките за вишок смрт укажуваат на вкупно околу 220.000 смртни случаи поврзани со Ковид во Мексико. Само за еден месец и половина тој број скокна за околу 75.000.

Прегледот на потврдите за смрт откри дека околу 70,5% од вишоците смртни случаи биле поврзани со ковид. Но, некои експерти велат дека ковидот можеби придонел за многу други вишоци смртни случаи, бидејќи многу луѓе не можеле да се лекуваат од други болести затоа што болниците биле преполни.