Средбата Трамп – Нетанјаху фокусирана на Амбасадата во Ерусалим

На денешната средба во Белата куќа помеѓу американскиот претседател Доналд Трамп и израелскиот премиер Бенјамин Нетанјаху најавено е дислоцирањето на Амбасадата на САД од Тел Авив во Ерусалим.

– Нашиот народ тоа ќе го памти со векови, истакна Нетанјаху.

Трамп посочи дека ја разгледува можноста да го посети Израел кога ќе биде отворена Амбасадата на САД во Ерусалим.

Американскиот претседател во декември минатата година донесе одлука со која Ерусалим е признаен како главен град на Израел, што предизвика гнев и протести првенствено во муслиманските држави, но и ширум светот.