Зеленски: Елиминирањето на бранителите на Мариупол ќе биде крај за преговорите

Украинскиот претседател Володимир Зеленски изјави дека елиминирањето на украинските борци во јужниот пристанишен град Мариупол ќе стави крај на разговорите со Русија.

Осврнувајќи се на градот во близина на Киев, кој е уништен од силно гранатирање, Зеленски изјави за веб-страницата „Украинска правда“: „Мариупол може да биде како 10 Бородјанки“.

„Сакам да кажам дека елиминацијата на нашата војска, нашите момци, ќе стави крај на сите преговори“.

Тој рече дека Украина нема да тргува ниту со својата територија ниту со својот народ, додавајќи: „Колку повеќе места како Бородјанка има, толку потешко ќе биде“.

Украина инсистираше на тоа дека нејзините трупи сè уште се држат во урнатините на Мариупол, каде што украинските сили беа потиснати назад до металната фабрика „Азовстал“ во близина на пристаништето.

Претходно, шефот на Народната република Доњецк (ДПР), поддржана од Русија, изјави дека украинските борци кои остануваат во Мариупол и одбиваат да се предадат ќе бидат елиминирани.

Војниците на руските сојузници се блиску до освојување на Мариупол, но се смета дека украинските сили се спротивставуваат на нападот од областа на пристаништето и фабриката „Азовстал“ – огромна фабрика за железо и челик.

Оваа недела Москва соопшти дека повеќе од 1.000 украински маринци се предале во Мариупол, но Украина го отфрли тврдењето.

Во разговор со новинарите во Мариупол, шефот на ДПР, Денис Пушилин, рече: „Оние членови на редовната армија, како и маринците што ги видовте, кои се подготвени да се предадат, се предадоа. Додека националистите, односно членовите на националистичките баталјони, се чини, немаат намера да се предадат, затоа треба да бидат елиминирани“.

Снимката на која г-дин Пушилин ја дава изјавата, стоејќи до чеченскиот политичар Адам Делимханов и опкружен со војници, беше емитувана на рускиот информативен канал Росија 24.