Во Шпанија, од пожарот, се создаде опасен феномен – пирокумулус (видео)

Големиот пожар што ја зафати областа Љеида во Каталонија донесе со себе природен феномен наречен огнен облак, т.е. пирокумулус.

Според шпанските медиуми, пожарот се ширел со брзина од 28 километри на час, а неговото брзо ширење било предизвикано од многу суво време, како и од формирањето на пирокумулус, што било предизвикано од атмосферската нестабилност.

🔴🔥 | Nuevas Imagenes del Incendio de Lleida entre Sanauja y Ribelles que se expande hasta la Población de Agramunt, Nuevas imagenes de como están las poblaciones, con un cielo anaranjado Increíbles imagenes que ver de la inmensidad de este fuego 🔥 pic.twitter.com/eJeSUM1p6Z

— PlatinoXPlay (@PlatinoXPlay) July 1, 2025

„Инцидентот се случил под „многу нестабилни атмосферски услови“, што довело до формирање на овие облаци, кои понекогаш излегуваат од чадот на пожарите и предизвикуваат нивно ширење“, рече професорот по шумарско инженерство Виктор Реско де Диос.
Според неговото објаснување, кога огнениот столб носи толку многу енергија, тој е способен за кондензација кога ќе стигне до горните слоеви, што е особено веројатно во услови на атмосферска нестабилност и што предизвикало неговото толку брзо ширење.

„Пирокумулусот делува како локомотива, односно ја претвора топлинската енергија во кинетичка енергија, го влече огнот напред и ја зголемува неговата брзина. Формирањето на огнен облак или пирокумулус е како премин од оган што загрева камин кон оган што загрева локомотива“, објасни тој.

Ваквите облаци, како што истакнува, предизвикуваат пожари од шеста генерација.

„Нивната брзина е неверојатна и тие испуштаат толку многу енергија што во овие услови најдобро е да се обезбеди безбедноста на персоналот и малку повеќе од тоа“, предупреди експертот.