Во напад врз Славјанск во Украина најмалку 11 мртви

Бројот на загинати во руските ракетни напади врз источниот украински град Славјанск се искачи на 11. Спасувачките тимови извлекоа тела на две лица од урнатините на една куќа, соопшти службата за итни случаи на земјата, а се уште се трага по пет лица кои остана во станбена зграда погодена од урнатините.

Други жители исто така се пријавени за исчезнати, изјави Вадим Лиах, шеф на локалната власт.

Нападот се случи во петокот, а украинските воздухопловни сили уверуваат дека земјата наскоро ќе има оружје за да се обиде да спречи такви напади.

Портпаролот на воздухопловните сили во саботата изјави дека системот за противвоздушна одбрана „Патриот“ ветен од САД се очекува да пристигне некаде по Велигден, пренесува Асошиејтед прес. Тие одбија да дадат точна временска рамка, но рекоа дека јавноста ќе знае „штом ќе биде соборен првиот руски авион“.

Група од 65 украински војници ја завршија обуката во воздухопловната база Форт Сил во Оклахома минатиот месец и се вратија во Европа за да дознаат повеќе за користење на одбранбен ракетен систем за следење и соборување на непријателски авиони.

Официјалните лица тогаш рекоа дека Украинците потоа ќе се вратат во нивната земја со ракетната батерија Патриот, која обично вклучува шест мобилни фрлачи, мобилен радар, генератор на струја и оперативен контролен центар.

Германија и Холандија, исто така, ветија дека ќе ѝ обезбедат на Украина системот Патриот. Покрај тоа, противракетниот систем САМП/Т ветен од Франција и Италија „треба да влезе во Украина во блиска иднина“, рече Ихнат оваа недела.