(Видео) Војна по улиците во Шпанија поради апсење на раперот, повеќе повредени – каменувана полиција!

Во неколку шпански градови избувнаа нови немири во врска со контроверзното апсење на раперот за навреда на шпанското кралско семејство.

Насилните протести избувнаа за прв пат во вторникот вечерта, на 16 февруари, по апсењето на раперот Пабло Хасел, а еден ден подоцна тие продолжија во Мадрид, Барселона и Гранада.

Синоќа избувнаа нови немири. Во Барселона демонстрантите градеа барикади со канти за ѓубре, кои ги запалија, пишува весникот „Вангардија“.

Во немирите оштетени се  продавниците и излозите на канцелариите на весникот „Периодико“. Телевизиските снимки покажуваат како бунтовниците ја гаѓаат полицијата со камења и шишиња.

Протести беа пријавени и во градовите Валенсија, Тарагона, Сабадел, Џирона, Лида и Вискај. Неколку лица беа повредени, меѓу кои најмалку еден полицаец кој беше погоден со камен во главата.

Осум лица се уапсени во Барселона, а осум во Валенсија, соопшти полицијата.

Десетици луѓе беа повредени во судирите меѓу демонстрантите и полицијата во средата, 17 февруари, а најмалку 42 лица беа уапсени, јави новинската агенција Европа прес, повикувајќи се на властите.

Хасел, чие вистинско име е Пабло Ривадуља Дуро, беше осуден на девет месеци затвор за навреда на монархијата и величање на насилството.

Хасел го нарече поранешниот крал Хуан Карлос крадец и шеф на мафијата.

Вицепремиерот Кармен Калво од Социјалистичката партија го обвини помалиот коалициски партнер Унидас Подемос за поттикнување протести поради кои илјадници луѓе излегоа на улиците.

Правото на слобода на изразување не треба да се брани со насилство“, рече таа, пренесе агенцијата ДПА. 

Портпаролот на објавите на „Унидас“, Пабло Еченике ги поддржа „младите антифашисти кои се на улиците и бараат правда и слобода на изразување“. Хасел одби да ја издржува затворската казна доброволно. Тој беше уапсен во вторникот откако се забарикадираше на универзитет во каталонскиот град Леида.