Ученик го поправи Путин на час по историја, директорот го опомена за дрскост

Критичарите на Кремљ вчера го пофалија храбриот ученик кој се исправи пред рускиот претседател Владимир Путин, кој направи мала грешка на час по историја одржан во едно руско училиште на првиот ден од новата учебна година.

Имено, Путин во еден момент рекол дека рускиот цар Петар I Алексеевич Романов, познат како Петар Велики, се борел во Седумгодишната војна, што не е точно.

– Петар Велики не се борел во Седумгодишната војна, туку во Големата северна војна, која траела 21 година – рекол ученикот.

Школьник поправил Путина во время открытого урока во Владивостокеhttps://t.co/Uvrs3NGTF0 pic.twitter.com/oKTqBwZLJ5

— РИА Новости (@rianru) September 1, 2021

Рускиот претседател му се заблагодарил на ученикот за поправката, но директорот на училиштето го опоменал поради „дрскоста“.

Оваа случка предизвика многу реакции во земјата, поради што се огласи и портпаролот на Кремљ, Дмитриј Песков.

– Тоа не беше дрско. Воопшто не се согласуваме со директорот на училиштето – рече тој и додаде дека се надева оти ученикот нема да биде дополнително казнет.