Студена лава и поплави ја погодија Индонезија, најмалку 37 загинати

Најмалку 37 луѓе загинаа по поројни поплави и студена лава што тече од вулкан на островот Суматра во западна Индонезија. По неколкучасовен дожд во саботата, пепелта и студените одрони оштетија повеќе од 100 домови, џамии и јавни згради, јавува Би-би-си. Локалните власти сметаат дека 18 лица се водат за исчезнати, а се очекува бројот на загинатите да расте.

„Слушнав гром и звук сличен на зовриена вода. Беше црно. Куќата на соседот беше срамнета со земја“, раскажува Рина Девина, 43-годишна жителка на населбата Агам.

Ладната лава, инаку, е мешавина од вулкански материјал и чакал.

Минатата година загинаа 23 планинари
До вчера попладне, спасувачите пронајдоа 19 тела во најтешко погоденото село Кандунг и уште девет тела во соседната област, објави Националната агенција за пребарување и спасување.

Областа околу планината Марапи доживеа неколку слични катастрофи во последните шест месеци. На крајот на минатата година по ерупцијата на вулканот загинаа 23 планинари, а во февруари годинава поројните поплави оштетија десетици домови.

Инаку, Марапи значи „Огнена планина“ од локалниот јазик Минанг.