САД поднесе обвиненија за нелегална продажба на опиоидни таблети вредни 1,3 милијарди долари
Американските власти поднесоа обвиненија против 10 лица за нелегална продажба на околу 70 милиони опиоидни таблети, соопшти Министерството за правда на САД.
Според Министерството, ова е најголемата акција досега против дистрибутерите на опиоиди и други лекови кои често се злоупотребуваат, чија вредност на црниот пазар достигнува 1,3 милијарди долари.
Обвинетите се поврзани со фармацевтската индустрија, вклучувајќи трговски претставници и брокери.