По 24 години: Заврши љубовната приказна на Данијела Мартиновиќ и Петар Грашо
Хрватска- Хрватските поп-ѕвезди Петар Грашо (45) и Данијела Мартиновиќ (49) ја прекинаа љубовната врска која траеше 24 години, пишува Стори.хр.
Дека двојката во последните месеци не живее на иста адреса, објави и Јутарњи лист, повикувајќи се на одговорната за комуникација со медиуми на Петар Грашо.
Двајцата одбиле да ја коментираат разделбата, пишуваат хрватките медиуми.
Петар и Данијела се запознале во 1995 година на Дора во Опатија, две години подоцна започнале љубовна врска и никогаш не ја официјализирале со брак.
Пред врската со Грашо, Данијела три години беше во таен брак со хрватскиот музичар Марко Перковиќ Томпсон кој подоцна се прежени и доби пет деца.