Оптичкиот кабел меѓу Шведска и Финска бил скинат на две места
Сѐ поголеми се сомневањата дека се работи за саботаѓа. На местото каде се скинати каблите е забележан кинески трговски брод
Водечкиот северноевропски провајдер за дигитална инфраструктура и комуникации со податоци „Глобал конект“ работи на поправка на дефект на кабелот со оптички влакна во Финска, објави денеска компанијата, цитирана од Ројтерс.
Две одделни скинувања на кабелот предизвикаа прекин во земјата, објави добавувачот на својата веб-страница, додавајќи дека нема засегнати офшор кабли.
Инцидентот се случил во неделата попладне по локално време, а по откривањето на штетата започнале работите на поправката, соопштија од компанијата.
Финските власти покренаа истрага за дефект на интернет-кабелот на „Глобалк конект“. „Властите го истражуваат случајот заедно со компанијата. Ја сфаќаме ситуацијата сериозно“, рече финската министерка за транспорт и врски Лулу Ране на Икс.
Во неделата, шведската управа за пошта и телекомуникации регистрираше два дефекти на кабелот во Финска: едниот во градот Еспо, другиот во општината Вихти. Во моментов, еден од проблемите е саниран.
Шведскиот министер за цивилна заштита Карл-Оскар Болин изјави дека финската полиција се сомнева на намерно оштетување на кабелот. Оваа информација ја потврди и „Глобал конект“, велејќи дека непознати лица го скинале кабелот на две различни места.
Ова е трет пат во последниот месец непознати лица да оштетат интернет кабли во Скандинавија. На 18 ноември, кабелот C-Lion1, поставен меѓу Финска и Германија во близина на рускиот гасовод „Северен тек“, пукна во Балтичкото Море. Ден претходно беше оштетен комуникацискиот кабел меѓу Литванија и Шведска.
„Бидејќи и двете се растргнати, очигледно е дека нема случајно паѓање на сидрото од брод, туку нешто посериозно“, рече Андриус Шемешкевичиус, технички директор на литванскиот оператор „Телиа“. Германскиот министер за одбрана Борис Писториус повика „да се тргне од фактот дека ова е саботажа“.
Кинескиот товарен брод „Ји Пен 3“, кој го напушти руското пристаниште Уст-Луга на 15 ноември со товар ѓубриво, помина низ каблите, влечејќи сидро по дното, изјавија истражителите за „Волстрит џорнал“. Бродот бил задржан од шведските власти поради сомневање за саботажа.
Со помош на сателити и други податоци било утврдено дека на 17 ноември околу 21 часот товарниот брод го фрлил сидрото во шведските води, но продолжил да се движи, иако сидрото значително го забавило неговото пловење. Набргу потоа сидрото го скина првиот кабел меѓу Шведска и Литванија. Околу 3 часот наутро на 18 ноември, по поминати 178 километри, товарниот брод го пресече вториот кабел – меѓу Германија и Финска.
Шведска ја истражува вмешаноста на бродот во саботажа. Ѝ помагаат Финска, Литванија, Германија и други земји.
САД претходно предупредија на зголемена руска воена активност околу клучните подводни кабли. Американските власти соопштија дека руското Министерство за одбрана подготвува специјализирана единица за извршување саботажи чија цел е да се оштети критичната комуникациска инфраструктура на земјите од НАТО.