Макрон во Стразбур ја претставува својата „визија“ за Европа и ЕУ

Францускиот претседателот, Емануел Макрон, утринава во Стразбур денеска ќе зборува пред европратениците за почетокот на француското претседателство со ЕУ. Тоа ќе биде можност да ги наметне своите предизборни теми во неговата земја, со приближувањето на претседателските избори во април и истовремено да ја даде својата визија за Европа  и ЕУ, јави дописникот на МИА.

Макрон веќе ги претстави главните линии на неговото европско претседателство за време на прес-конференцијата во Елисејската палата на 9 декември. Но, Стразбур, европска престолнина, за еден ден, ќе биде и престолнина на француската претседателска кампања, констатираат утринава многу француски медиуми. Имено, Макрон, во неговата двојна улога – на шеф на државата во предизборната кампања и шеф на ротирачкото претседателство на Европската унија (ПФУЕ), денеска ќе да им се обрати на повеќе од 700 пратеници од 26 различни националности за да ја претстави неговата програма со претседателство. Тој што не криеше, во 2017 година, дека води кампања за „повеќе Европа“ и кој има намера да покаже, во 2022 година, дека има способност да ја „придвижи“ ЕУ за економски и финансиски, социјални, еколошки, како и безбедносни прашања и имиграцијата.

Неговиот говор, како што беше речено од Елисејската палата, треба да трае меѓу „дваесет и триесет минути“. По него, како што е вообичаено кога ќе дојде шеф на држава или влада во Стразбур, ќе следи дебата со европратениците. Меѓу нив, Јаник Жадо, веќе влезен во претседателската кампања како кандидат на француските зелени, кој се надева дека со оваа интервенција ќе ги одбележи духовите. Екологот сега е единствениот кандидат-европратеник откако Марин Ле Пен (Национален собир) и Жан-Лук Меланшон (Непокорна Франција) беа избрани за француски пратеници. Првиот го критикуваше шефот на државата во вторникот од Париз. Вториот ќе биде, во среда навечер, на неколку стотини метри од Европскиот парламент на втор митинг за помалку од една недела. Исто како Жадо, кој изнајмил помала сала во историскиот центар на главниот град на Алзас. Ерик Земур, избра да оди во Кале за да се обиде со контра-програма за имиграцијата, тема што викендов ја постави Валери Пекрес (Републиканците) од Грција.

Говорот од Стразбур ќе го означи второто „лансирање“ на ова шестмесечно претседателство. Првото беше на 9 декември, во Елисејската палата, кога Макрон им ги претстави на новинарите главните линии на оваа ПФУЕ.

-Тоа беше прилично техничка прес-конференција. Во Стразбур ќе стане збор за давање визија, се наведува од опкружувањето на шефот на државата. Веќе пет години овој модел на либерална демократија, владеење на правото, однос кон солидарноста… е ставен на тест. Мора да го браниме, но мора да се редизајнира за да биде поефективен. Претседателот ќе ги развие своите приоритети, но ќе инсистира на неговиот мал личен придонес: чувството на припадност и европскиот идентитет, велат од Париз.

Оваа недела, почната со петтиот самит „Избери Франција“ со цел да ја илустрира „повратената економска привлечност“ на макроновата старт-ап нација, тој сака да ги искористи предностите од овој европски момент да покаже дека Франција, како што вети во 2017 година, успеа да ја натера ЕУ да се придвижи, особено поради здравствената криза.

Саркози никогаш не успеа да добие европски план за закрепнување. Тој се спротивстави на трајните вето, се сеќава европратеникот макронист Бернард Гета . Планот за закрепнување (за соочување со пандемијата на Ковид-19) е европска победа, никогаш не сме имале заеднички инвестициски план. Истиот европратеник ги цитира зелените зделки, проектот за данок на јаглерод на границите, текстот против производите кои произлегуваат од увезено уништување на шумите, „огледалните клаузули“ со кои од март ќе се забрани увозот на прехранбени производи произведени со пестициди. во Унијата…

-Тоа е знак дека Европа е во процес на промена на софтверот и „зборување на француски“, како што вели европратеникот и поранешен новинар Бернард Гета.

Следни (големи) чекори: промена на договорите за буџетските правила во поглед на следните дискусии за европските договори и „политизирање“ на Шенген за имиграција. Повлекување налево, лизгање надесно, само за да ги одврати критиките од неговите идни претседателски противници.

На првата тема, која со години ја носеше дел од левицата, Макрон повика, во средината на декември, „да излеземе од нашите стари табуа и нашите стари фетиши“. „Прашањето повеќе не е за или против три отсто“, потврди претседателот, за кого денеска се „надминати“ критериумите произлезени од Договорот од Мастрихт во 1992 година и впишани во мермерот на Европскиот фискален пакт. Отсега, ќе биде потребно „повеќе пакт за раст и стабилност отколку стабилност и раст“, подвлече Бруно Ле Мер, во неделата, во интервју за неколку европски весници, вклучително и „Екхос“.

-Да, има пакт, ниту една монетарна унија не може да опстане без заеднички правила, рече министерот за економија и финансии. Пактот во целина не е застарен, но правилото за јавен долг се застарени. За време на неговата прес-конференција во средината на декември, Макрон, исто така, ја истакна можноста за извлекување на „одредени национални инвестиции“ од заедничките правила, укажувајќи на „потребата од нови инвестиции“ за „развој на силни и интегрирани индустриски сектори“.

Што се однесува до имиграцијата, Макрон сака да иницира „реформа на Шенген зоната“ со „воспоставување политичко управување, како што направивме за еврозоната“.

-Европа е она што ќе го паметиме од макронизмот, се вели од опкружувањето на на претседателот. Велиме дека немало силни мерки, дека нема еквивалент на брак за сите, дека не сме ги направиле повлекувањата, но ќе останат европските напредоци. И шефот на државата нема намера, по ова прашање, да го стави европското знаме во џеб во претстојната кампања. Овој маркер ја собира неговата изборна база и го става нередот во таборот на Валери Пекрес, неговиот најопасен противник за вториот круг. Републиканците продолжија да бидат поделени околу европското прашање во текот на овој петгодишен мандат и контроверзноста околу европското знаме со ѕвездички под Триумфалната капија – чие повлекување го бараше Пекрес, принудена да ги следи стапките на двајцата претседателски кандидати од екстремната десница – што само ја потврди стратегијата поставена на Елисејската палата: да се осигура дека Европа ќе се наметне како една од темите на оваа претседателска кампања.

Околу Балканот, Макрон претходно најави политика на повторно ангажирање и инвестирање на ЕУ во  Западен Балкан  и оцени дека политичката и економската работа во регионот, е работа на цела Европа.

 -Западен Балкан е повеќе од соседство. Балканот е срцето на Европа“, рече Макрон. Претставувајќи ги приоритетите на француското претседателство со ЕУ, тој изјави дека Западен Балкан денеска повторно е исполнет со тензии. ЕУ има посебна одговорност кога станува збор за овој регион, истакна Макрон и предупреди дека за 50 години нема да може да се зборува за „Европа на мирот“ доколку Западен Балкан се остави во ситуацијата што е сега.

Француските дипломати во Брисел оценуваат дека Макрон е особено мотивиран и дека ќе го вложи својот политички капитал во решавање на  блокадата на Западен Балкан.

Но барем засега од Франција не доаѓаат сигнали дека Париз ќе се вклучи директно во преговорите што нашата земја ги води со својот источен сосед, па ниту дава елементи дека е можен пробив, иако сите го посакуваат во актуелниот геополитички моментум на стариот континент. Но со оглед дека во Франција има избори, претседателски, а потоа и парламентарни, не верува, дека Париз ќе го стави во прв план проширувањето со оглед на резервираноста на Французите за ова прашање. Значи Париз повеќе ќе игра на картата на стабилизацијата на Западен Балкан, отколку на проширувањето. Доволно е да се погледне програмата на француското претседателство и ќе се види дека е предвидена конференција на министрите за внатрешни работи и правда во текот на мај, а во јуни  друг состанок посветен на земјите од Западен Балкан, но не во форма на Самит, барем како што се најавува.