И Ѓоковиќ и Надал го пропуштаат турнирот во Монтреал. Причините им се различни

Две од најголемите тениски ѕвезди ќе го прескокнат Канадскиот опен во Монтреал овој викенд пред Отвореното првенство во САД на крајот на август.

Рафаел Надал и Новак Ѓоковиќ и официјално се откажаа од турнирот оваа недела, но од различни причини.

Надал најави дека нема да отпатува за Канада во петокот наутро затоа што морал „да размислува за здравјето“, сигурно е дека не закрепнал од абдоминалната повреда што го принуди да го напушти Вимблдон пред неговиот полуфинален меч со Ник Киргиос. Надал на Твитер објави дека почувствувал „малку непријатност“ оваа недела откако се вратил на тренинзите.

Надал се мачеше од повредата за време на неговата победа во пет сета над Американецот Тејлор Фриц во четвртфиналето, но дури откако му требаше медицински тајмаут за да земе антиинфламаторни лекови. Прескокнувањето на Канадскиот опен му дава на Надал уште неколку недели да се опорави пред  САД опен.

На Ѓоковиќ, пак, сè уште не му е дозволен влез во Канада бидејќи не е вакциниран против Ковид-19.

Тој доаѓа од своето четврто последователно финале на Вимблдон во јуни, но Србинот, исто така, веќе пропушти повеќе турнири оваа година поради неговата одлука да не се вакцинира, вклучувајќи ги Мастерсот во Индијан Велс, Отвореното првенство во Мајами и Австралија опен.

Иако Ѓоковиќ нема да игра во Канада, тој се надева на враќање во САД кон крајот на август. Ѓоковиќ на 30 јули објави видео од тренинг и напиша дека „се подготвува како“ да му биде дозволено да се натпреварува на  САДопен.

Ѓоковиќ го освои Канадскиот опен четири пати во кариерата – 2007, 2011, 2012 и 2016 година – додека Надал победи пет пати во кариерата: 2005, 2008, 2013, 2018 и 2019 година.

Првото коло на турнирот започнува во среда, 10 август. Даниил Медведев е актуелен шампион.