Турција станува водечка дестинација за спортски настани од светска класа
Од пешачење по Ликиската патека и возење велосипед по патеките помеѓу планината Тахтали и брегот, до голф во Белек, нуркање во Каш, рафтинг во кањонот Ќопрулу и искачување во Гејикбајири, регионот околу Аннталија комбинира разновидни искуства на отворено
Aнталија – Брзорастечкиот глобален пазар на спортски настани се предвидува дека ќе достигне 609 милијарди американски долари до 2031 година. Во вакви услови, сѐ повеќе земји ја промовираат својата понуда за спортски туризам, вклучувајќи ја и Турција. Со својата високо развиена инфраструктура за конференции и конгреси и динамичниот и добро развиен екосистем за спортски туризам, Турција се позиционира како водечка дестинација за спортски и други меѓународни настани. Во тие рамки, од 31 мај до 3 јуни, земјата ќе биде домаќин на над 300 меѓународни учесници и над 80 локални спортски туроператори и добавувачи на настанот „Спорт и настани Турција“, кој ќе се одржи во Анталија.
„Спорт и настани Турција“ е првата меѓународна платформа за спортски туризам во земјата, организирана под покровителство на Здружението за спортски туризам (STB), Министерството за млади и спорт на Република Турција, Министерството за култура и туризам на Република Турција, регионалната власт на Анталија и Агенцијата за промоција и развој на туризмот на Турција(TGA). Настанот ќе ги поврзе турските добавувачи со клучни купувачи од Евроазија и Блискиот Исток, нудејќи платформа за соработка низ спортски патувања, групни тури, турнири и програми за обука и ќе ја поддржи улогата на Турција како регионално и меѓународно место за состаноци за индустријата. Сеопфатната програма на настанот ќе им овозможи на учесниците да бидат дел од сесии за вмрежување, посети на хотели и објекти, спортски активности, искуства во градот Анталија и ексклузивна гала вечер.
Турција нуди широк спектар на можности за авантура и спорт во текот на целата година. Посетителите можат да истражуваат антички планинарски патеки, да возат велосипед низ различни терени, да уживаат во нуркање, скијање, голф и рафтинг, но и во активности исполнети со адреналин како што е параглајдинг. Овие разновидни понуди ја позиционираат земјата како врвна дестинација за активно и авантуристичко патување, но и како клучен центар за спортски настани од светска класа. Земјата е домаќин на разновиден спектар на престижни натпревари, како што се Турата на Турција, Босфорскиот куп и меѓународно признати трки во планинско трчање како Качкар ултра треил.
Во овој контекст, Анталија нуди одлични можности за широк спектар на спортови и турнири, поддржани од нејзината блага медитеранска клима преку целата година и околу 300 сончеви денови. Од пешачење по Ликиската патека и возење велосипед по патеките помеѓу планината Тахтали и брегот, до голф во Белек, нуркање во Каш, рафтинг во кањонот Ќопрулу и искачување во Гејикбајири, регионот комбинира разновидни искуства на отворено. Исто така, Анталија е многу популарна дестинација за фудбалски тренинг кампови, благодарение на висококвалитетните објекти и услуги, што ја прави центар за професионални и рекреативни спортски активности преку целата година.
(Комерцијален текст)