Двајца загинати, 76 ранети во денешниот израелски напад врз јужен Бејрут

Либанското Министерство за здравство соопшти дека две лица загинале, а 76 се ранети во големиот денешен израелски воздушен напад во густо населените јужни предградија на Бејрут.
Според министерството, станува збор за прелиминарен биланс.

Билансот вклучувал „15 за кои е потребна хоспитализација“, се додава во соопштението на Министерството.

САД не добија претходно предупредување за израелскиот напад во Бејрут, а американскиот секретар за одбрана Лојд Остин разговараше со својот израелски колега додека операцијата беше во тек, рече портпаролката на Пентагон Сабрина Синг.

„САД не се вклучени во таа операција и не добивме никакво претходно предупредување“, истакна Синг .

Таа не одговори на прашањето што израелскиот министер за одбрана Јоав Галант му рекол на Остин за операцијата и дали нападите биле насочени кон лидерот на Хезболах Хасан Насрала. Пентагон, исто така, одби да шпекулира дали лидерот на либанската шиитска група е се уште жив.

Денешниот напад врз јужните предградија на Бејрут е најмоќниот напад на Израел врз либанската престолнина од почетокот на конфликтот.