Драма на аеродромот во Тел Авив: Шолц излезе од авионот и легна на пистата со другите патници (видео)
Тел Авив– Авионот на германскиот канцелар Олаф Шолц вчера мораше да биде евакуиран на аеродромот Бен Гурион во Израел поради ракетни напади.
Сликите и видеата објавени на социјалните мрежи покажуваат како колегите и новинарите кои патувале со германскиот лидер морале да излезат од авионот и да се засолнат лежејќи на пистата, додека Шолц наводно бил евакуиран во засолниште.
Лично видов експлозии на небото додека израелската железна купола (систем за противвоздушна одбрана) пресретна две ракети“, напиша на Твитер Робин Александар, заменик-главен уредник на германскиот дневен весник „Велт“.
Шолц и оние што летаа со него можеа да се качат во авионот неколку минути подоцна, по дополнителна безбедносна проверка, пишува „Билд“.
#Raketenalarm in Tel Aviv. Die Regierungsmaschine wird umgehend evakuiert. @Bundeskanzler wird in einen Schutzraum gebracht. Wir legen uns vor dem Flugzeug auf den Boden. @robinalexander_ @frautoroxel pic.twitter.com/OTWV55KUoA
— Sara Sievert (@sara__si) October 17, 2023
Германскиот канцелар вчера го посети Израел за да ја изрази својата солидарност со земјата по бруталниот терористички напад на Хамас и да ги деескалира тензиите во регионот, како и да ја подобри хуманитарната помош за палестинските цивили во Газа.
Kanzlermaschine in Tel Aviv vor Abflug geräumt, weil Alarm. Alle liegen auf Rollfeld für Deckung. Zwei Raketen erkennbar von Iron Dome getroffen über Flughafen. @welt pic.twitter.com/vZfqLGQQYY
— Robin Alexander (@robinalexander_) October 17, 2023
Евакуацијата на неговиот авион се случи токму во моментот кога Шолц планираше да лета за Каиро, каде што денеска требаше да се сретне со египетскиот претседател Абдел Фатах Ел Сиси.
Синоќа голема експлозија погоди болница во градот Газа, при што загинаа повеќе од 500 Палестинци, според палестинското Министерство за здравство, управувано од Хамас. За нападот се обвинуваат двете страни.