Били Ајлиш се соблече за Вог и ја покажа тетоважата

Англија- Поп-ѕвездата Били Ајлиш (19) конечно ја покажа својата тетоважа за да ја видат сите нејзини обожаватели. Лани, ѕвездата му откри на „Венити фер“ дека се истетовирала, но дека местото „никогаш нема да го видите“.

Но, сега, Ајлиш ја менува својата мелодија.

Ја покажа тетоважата на колкот додека позираше во корсет за фотосесијата за јунското издание на британскиот „Вог“, стилизирана од Дена Џанинини.

„Покажувањето на вашето тело и покажувањето на кожата – или не – не треба да ви одзема никаква почит“, вели Ајлиш во интервјуто за Вог.

Претходно поп-ѕвездата го смени својот имиџ и од бринета стана русокоса.

Фотосесијата на Ајлиш доаѓа во моментот кога пејачката се подготвува да го издаде својот втор студиски албум, Happier Than Ever, на 30 јули. На албумот има 16 нумери, вклучувајќи песни како „Billie Bossa Nova”, “My future”, “Oxytocin”, „ Lost Cause” и “NDA” меѓу другите.