Били Ајлиш го промовира синглот „Your Power“ како најава за новиот албум (видео)

САД- Поп-ѕвездата Били Ајлиш ја промовира новата песна „Your Power“ како најава за новиот албум „Happier Than Ever“ кој ќе излезе во продажба на 30 јули. За песната чие видео е снимено во Семи Валеј, во Калифорнија, со вистинска анаконда, Ајлиш вели дека и е најомилена од сите досега.

„Ова ми е омиленото нешто коешто сум го создала и толку сум возбудена, растреперена и нестрплива да го чуете“, напиша Били за песната, но и албумот.

„Ви велам… Никогаш не сум сакала некој проект, олку многу. Се надевам дека и вие ќе го почувствувате истото”, вели таа натаму.

Били Ајлиш го издаде деби-албумот „When We All Fall Asleep, Where Do We Go?” во 2019 година. Во март таа година поп-пејачката доби и „Греми” за песната „Everything I Wanted”. Лани пак, тинејџерката доби „Греми” во пет од шесте категории, во кои беше номинирана – за албум, запис, песна на годината, за најдобар нов изведувач и најдобар поп-албум. (Пипл)