Не нè послушавте! Жителите на Сплит се заглавени во мраз; во тек е голема „евакуација“: „Не можеме да одиме никаде…“

Иако беа ревносно и редовно предупредени дека Сплит и Купрес ќе бидат затрупани во снег и дека целата област ќе биде замрзната, многу далматинци не ги послушаа предупредувањата и отидоа да уживаат во зимската забава без оглед на можните последици.

Сепак, денес  дојде до пресврт. „Слободна Далмација“ стапи во контакт со жителите на Сплит и тимот од Загора кои се заглавени во ледениот пекол што утрово ги замрзна патиштата таму, па автомобилите не можат ниту напред ниту назад.

– Никогаш порано не сум го доживеал ова! Пробуваш да закочиш, а невозможно е да се запре, сопирачките се бескорисни… Синоќа имаше магла, а утрово сè беше замрзнато. Јадни луѓе без синџири – ни раскажува Дарио Батиниќ од терен, додека друга екипа исто така вели дека некои жители на Сплит дошле со – летни гуми.

Многумина сакале да го комбинираат одморот со Водици и да се вратат дома денес, но се чини дека ќе мора да бараат дополнителни денови за одмор. 

Купрес е на 127 kм од Сплит, во Босна и Херцеговина, на 1200 до 1150 метри надморска височина и има просечни 55 дена снег во годината.