Утрово се одлучува кога ќе биде погребот – Ватикан објави фотографии од папата во ковчег

Вчера почина папата Франциско.

Ватикан соопшти дека папата Франциско починал од мозочен удар кој предизвикал кома и неповратна срцева слабост. Реакции за неговата смрт пристигнуваат од целиот свет. Ватикан објави слика од папата Франциско во ковчег.

Кардиналите се среќаваат во 9 часот

Додека светот продолжува да тагува за смртта на папата Франциско, кардиналите ќе се состанат во 9 часот по локално време во Ватикан за да одлучат за датумот на неговиот погреб.

Почеток на „општите конгрегации“ и пренесување на телото на папата
Состанокот го означува почетокот на серијата таканаречени „општи собранија“. Се очекува кардиналите да одлучат кога телото на папата ќе биде преместено во базиликата „Свети Петар“, за јавноста да може да му оддаде почит пред погребот.

Ватикан претходно во понеделникот соопшти дека преместувањето може да се случи уште во среда наутро.

Официјалната жалост ќе трае девет дена, а погребот обично се одржува помеѓу четвртиот и шестиот ден по смртта.