Свршеницата на Џеф Безос со смел изглед во Белата куќа, еве што избра за државната вечера
Вашингтон– Свршеницата на Џеф Безос (60), новинарката и филантроп Лорен Санчез (54), воодушеви со темноцрвен фустан со корсет и длабоко деколте за време на заедничката посета на Белата куќа. Санчез и Безос беа меѓу многуте ѕвезди поканети на гала државната вечера во чест на јапонскиот премиер Фуми Кишидо и неговата сопруга Јуко.
Фустанот „Расарио“ на Санчез, со спуштени раменици, кој чини нешто повеќе од 2.000 евра, содржи детали од тантела, корсет и свилено здолниште до подот. Го искомбинирала со пар салонки од кожа Gianvito Rossi Flavia со блескави детали чија цена е 1.100 евра, а низ нејзината надолна и благо брановидна коса ѕиркаа прекрасни дијамантски обетки. Комбинацијата на Санчез е далеку по „храбра“ од оние што гостите вообичаено ги носат на вечера во Белата куќа, а за својот изглед таа не доби ништо освен пофалби. Нејзиниот свршеник, основачот на Амазон, милијардер и сопственик на Вашингтон Пост, избра црн смокинг .
Меѓу другите присутни од медиумите и светот на шоубизот беа извршниот директор на Apple, Тим Кук и потпретседателката Лиза Џексон, актерот Роберт де Ниро и неговата девојка Тифани Чен, и јапонско-американските олимписки медалисти Кристи Јамагучи, Алекс и Маја Шибутани. Според CBS News, темата на настанот била „прослава на пролетта“, а гостите уживале во богатите деликатеси на менито. Добитникот на Греми, пејачот Пол Сајмон (82) ги забавуваше високите гости со „избор од неговите легендарни песни“ .
Американскиот бизнис магнат, инвеститор и филантроп Безос често е на врвот на листата на најбогати луѓе во светот. Покрај Амазон, Безос инвестираше и во разни други проекти и компании, вклучувајќи ги SpaceX, Blue Origin, The Washington Post и многу други. Откако ја објави врската со Санчез, поради која се разведе од сопругата Мекензи Скот, мајка на неговите четири деца, во април 2019 година, нивната врска не престана да го привлекува вниманието на јавноста. Неодамна се вратија од патување во Јапонија каде истражуваа храмови, фотографираа и шетаа меѓу црешите кои моментално цветаат. „Јапонија, ти го украде нашето срце“, напиша Санчез на објавата на Инстаграм.
Црвената симболизира среќа во јапонската култура, а се чини дека е и омилената боја на Санчез. Таа носеше црвена тоалета со длабоко деколте Lever Couture на забавата за Оскарите 2024 година на Vanity Fair, а пред нејзиниот 54-ти роденден минатиот декември, таа облече секси црвена изглед инспирирана од долна облека и прослави со група пријатели кои сите исто така носеа црвено.
