Старџен: Прво крајот на корона, потоа референдум
Шкотската премиерка Никола Старџен денеска изјави дека нема веднаш да предложи референдум за независност, затоа што сака земјата прво да се ослободи од пандемијата на Ковид-19.
– Сметам дека во овој момент не треба да предлагаме референдум, рече Старџен за радио Би-Би-Си.
Таа додаде дека верува во независност.
– Сакам Шкотска да биде независна, но прво мора да ја извлечеме земјата од кризата, рече таа.
Партијата во која е Старџен, Шкотската национална партија, вети дека ќе одржи нов референдум за независност до крајот на 2023 година, доколку освои мнозинството на изборите закажани за 6 мај.