(Видео) Силен земјотрес во Мексико, луѓето во паника излегоа на улиците

На ист ден разорни потреси го погодија Мексико во 1985 и 2017 година. Претседателот на Максико, Андре Мануел Обрадор, објави на Твитер дека за сега е потврдена смртта на најмалку еден човек. Издадено е предупредување за цунами

19/09/2022 22:29

 

Силен земјотрес вечерва го погоди Мексико. Тлото се затресе помалку од еден час откако алармот за земјотрес беше огласен како потсетник на силни потреси истиот ден во 1985 и 2017 година.

Според мексиканските сеизмолози, магнитудата е 7,4 степени, а епицентарот на земјотресот бил на брегот на Пацификот.

 

Претседателот на Максико, Андре Мануел Обрадор, објави на Твитер дека за сега е потврдена смртта на најмалку еден човек. Маж загина кога на него се урнал ѕид во еден трговски центар во местото Манзанило во мексиканската држава Колина.

Земјотресот го погоди брегот на Ла Пласита де Морелос во западно Мексико, објави Американскиот геолошки институт. Тие наведуваат дека земјотресот се случил на 46 километри југоисточно од градот Ла Пласита де Морелос во државата Мичоакан, а епицентарот бил на длабочина од 10 километри.

Според американските сеизмолози, магнитудата е 7,5 степени.

Издадено е предупредување за цунами.

Градоначалничката на Мексико Сити, Клаудија Шајнбаум рече дека нема прецизни податоци за штетата во главниот град по потресот, кој протатне низ Мексико во истиот ден кога таква елементарна непогода ја погоди земјата во 1985 и во 2017 година.

„Деветнаесетти е ден од кој треба да се плашиме“, рече Ернесто Ланцета, сопственик на фирма во градскиот кварт Куатемок.

Илјадници луѓе загинаа во потресот во Мексико во 1985, а повеќе од 35о лица го загубија животот во 2017 година.

 

Поврзани содржини

Парализирано второто најголемо пристаниште во Европа 
ЕК: На над 27.000 лица им е одбиен влез во ЕУ преку новиот систем за гранична контрола
Зеленски: Се откажавме од нуклеарното оружје. И што добивме? Ништо
Израел се одмаздува на Шпанија „преку грбот на Палестинците“: Ги избрка од меѓународниот центар за мониторинг во Газа
Почина поранешниот ирански министер за надворешни работи , ранет во израелско-американски напад
Супер Ел Нињо доаѓа. Ќе влијае на времето низ целиот свет
Дури и да изгуби Орбан, враќањето на Унгарија кон либералната демократија не е загарантирана
Што ќе му фали на Брисел ако Орбан ги изгуби изборите?

Најчитани