Сенаторот Џон Фетерман со блузон и бермуди на инаугурацијата
Сенаторот Џон Фетерман (55) присуствуваше на инаугурацијата на американскиот претседател Доналд Трамп во навистина необична модна комбинација… Тој носеше блузон со црна качулка, сиви бермуди и патики.
Она што повеќето луѓе вообичаено го носат на тренинг или на прошетка в парк, овој политичар го носеше на свечен настан, додека сите околу него беа во костуми и слична „официјална“ облека. Покрај сѐ друго, Фетерман (55) седеше во првиот ред. Американскиот сенатор, се чини, го сака својот „лежерен“ стил. Повеќепати е фотографиран во јавноста во слични спортски изданија, а многу поретко во нешто поофицијално и поформално.
Прашан зошто е облечен така за инаугурација на претседател на САД, тој рече дека не дава изјава.
„Не давам изјава. Удобно ми е и не морам да пеглам, а тешко е да се најдат одела“, со оглед на неговата големина. Сенаторот е висок 203 см и тежи околу 122 килограми.
Кој е Џон Фетерман? Иако се од различни партии, тој е еден од најголемите поддржувачи на Трамп oд Демократската партија во американскиот Сенат. Роден во Пенсилванија, меѓу 2006 и 2019 година беше градоначалник на Брадок – порано индустриски град, и ја носеше титулата „најкул градоначалник“.
Во 2022 година, Фетерман стана сенатор од државата Пенсилванија, каде што го победи сопартиецот на Доналд Трамп, републиканецот д-р Мехмет Оз.
View this post on Instagram