Само 500 Руси поседуваат 40 отсто од богатството на земјата

 Околу 40 проценти од финансиските средства на Русија се концентрирани во рацете на 500 луѓе. Овој удел е четирипати поголем од светскиот просек, пишува Дојче веле.

 Во 2020 година руските милијардери значително го зголемија своето богатство  и покрај пандемијата. Околу 500 ултрабогати Руси, помалку од 0.0001 отсто од постарата популација во земјата, поседуваат дури 40 проценти од финансиските средства на сите руски граѓани. Нумерички, тоа е 640 милијарди долари, според најновиот извештај на Глобалното богатство 2021 на Бостон Консалтинг Груп (БЦГ).Ова значи дека уделот во сопственост на најбогатите луѓе во Русија е скоро четири пати поголем од глобалниот просек од 13 отсто, според руската компанија „РосБизнис Консалтинг“.

Но, во исто време, Русија е далеку од земјите со најмногу супербогати луѓе.Милиони, милијарди, трилиони. Личното богатство на поединци достигнува  рекордни нивоа ширум светот – во 2020 година порасна на 250 трилиони долари, што претставува зголемување за 8,3 отсто. Ова главно се должи на растот на берзите, како и на растечките заштеди, велат авторите на извештајот.

Бостон Консалтинг Груп предвидува ново значително зголемување на глобалното богатство во следните пет години – како резултат на очекуваното закрепнување на економијата. Водечки во овој индикатор ќе бидат претежно Северна Америка, Западна Европа и Азија, со исклучок на Јапонија. До 2025 година, овие региони ќе концентрираат 87 проценти од очекуваниот раст на богатството.

 И уште еден заклучок во извештајот: минатата година бројот на супербогати луѓе во светот се зголеми за 6.000, достигнувајќи 60.000 луѓе. Овие луѓе поседуваат инвестициски средства во вкупна вредност од 22 трилиони долари. Соединетите држави имаат најмногу супербогати луѓе, а по нив следува Кина. На трето место е Германија, каде живеат 2.900 супербогати луѓе. Во ова рангирање, супер богати се сите луѓе кои поседуваат повеќе од 100 милиони долари.