Само 328 гласачи од Македонија на изборите во Бугарија

Само 328 гласачи од Македонија учествувале на изборите во Бугарија што се одржаа викендов. Најголем дел од нив гласале за актуелниот претседател Румен Радев.

Претседателот Румен Радев победи на гласањето во Македонија, како и во речиси сите други земји. Ова го покажуваат податоците на Централната изборна комисија во време кога Радев се обидува да ја поврзе судбината на спорот меѓу Бугарија и Северна Македонија со статусот на самоидентификуваните Бугари, честопати мешајќи во пораките дека 120.000 луѓе имаат бугарски пасоши.

 Бројките не се невообичаени. И на парламентарните избори во април и јули стотина лица од Македонија  го искористија правото на глас. Сепак, тие се многу малку во однос на бројката на македонски граѓани со бугарски пасоши, чии права претседателот сака да бидат заштитени како решение за билатералниот спор што го блокира патот на Северна Македонија кон ЕУ. Радев во повеќе наврати спомена речиси 120.000 македонски граѓани кои добиле бугарски пасоши, заедно со лица со бугарски идентитет (кои не мора да се совпаѓаат со носителите на бугарски пасоши), за што обвини дека нивните права во нашата држава се игнорираат. Претседателот, исто така, ја спомена оваа бројка на носители на пасоши во контекст на неговото инсистирање за „соодветно да се одрази“ бројот на самоидентификувани Бугари во Северна Македонија на пописот, кој заврши во септември и чии резултати  ќе се објават напролет. И тој во синоќешната изјава по победата го коментираше ова прашање и постави црвени линии до идната влада.