САД: Сојузните држави нема да добијат пари за катастрофи ако ги бојкотираат израелските фирми

 Администрацијата на американскиот претседател Доналд Трамп денеска објави дека федералните држави и градовите нема да добијат средства за подготовка за природни катастрофи доколку одлучат да бојкотираат израелски компании.

Според соопштението на Федералната агенција за управување со вонредни состојби (FEMA), државите мора да потврдат дека нема да ги прекинат трговските односи со израелските компании за да добијат средства од FEMA.

Условот се однесува на најмалку 1,9 милијарди долари на кои федералните држави се потпираат за покривање на трошоци како што се опрема за пребарување и спасување, плати на менаџерите за вонредни состојби и резервни системи за напојување, меѓу другите трошоци, јавија американски медиуми кои имале увид во документите.