Русија нарачала итно печатење на 175.000 дипломатски пасоши за избегнување на санкциите на Западот

Русија нарача десетици илјади нови дипломатски пасоши во за да им дозволи на функционерите и шпионите – и нивните сопруги – да ги заобиколат западните санкции.

Министерството за надворешни работи во Москва ненадејно побара брзо печатење на речиси 175.000 од елитните патни исправи по цена од 3,8 милиони евра.

А министерството, на чие чело е Сергеј Лавров, нема повеќе од 15.000 вработени, од кои само секој трет може да биде квалификуван за дипломатски статус.

Во извештајот на опозицискиот медиум СОТА се вели дека според руските закони, вработените во безбедносната служба ФСБ – најголемиот наследник на КГБ од советската ера – се квалификуваат за дипломатски пасоши кога се во странски мисии.

Истото е и за офицерите на ФСО, служба за заштита која го чува Владимир Путин и другите високи функционери.

Пратениците, судиите и обвинителите можат да бараат престижни пасоши, кои можат да го забрзаат патувањето и да ги избегнат визите во некои земји.

Може да се квалификуваат и сопружниците, но исто така и илјадници државни службеници кои работат за бирократијата на Путин во Кремљ.

Новата наредба на Министерството за надворешни работи доаѓа во време на невидени санкции од Западот кои ги ограничуваат можностите за патување на многумина од руската елита.

„Зошто на Министерството за надворешни работи му требаат 175.000 [дипломатски пасоши] кога бројот на вработени според различни извори не е повеќе од 15.000, од ​​кои само една третина се дипломати?“, праша СОТА.

Сомнежите се дека овие пасоши ќе ги користат руски официјални лица и шпиони кои бараат пристап до Запад.

Извештајот заклучува: „Прашањето е – каде планираат да одат?

ЕУ им забрани на имателите на руски дипломатски пасоши да добиваат автоматски визи за повеќекратни влезови, а исто така ќе има и отпечатоци на корисниците.