Руперт Мардок во битка со наследниците за контрола на медиумската империја

Медиумскиот магнат Руперт Мардок е вклучен во правна битка против три од неговите деца за да се осигура дека неговиот најстар син и избран наследник, Лахлан Мардок, ќе остане на чело на неговата медиумска империја, објави во средата Њујорк Тајмс.

Мардок се обидува да ја прошири гласачката моќ на Лахлан Мардок во семејната фондација  за да обезбеди мнозинство и да се осигура дека тој не може да биде оспорен од браќата и сестрите, се вели во извештајот, цитирајќи запечатен судски документ.

Семејната фондација со седиште во Рено, Невада ги има семејните акции во огромната колекција на телевизиски мрежи и весници на Мардок преку компаниите News Corp и Fox Corp.

Лахлан Мардок е претседател на News Corp, чии публикации ги вклучуваат Wall Street Journal и Sun, и претседател и главен извршен директор на Fox Corp.

Фондацијата моментално има осум гласа: четири ги контролира Мардок, а останатите четири ги контролираат четирите деца од неговите први два брака. Најмладите ќерки на Мардок, Клои и Грејс, од неговата трета сопруга Венди Денг, немаат право на глас во фондот.

На суд, Мардок тврди дека ако Лахлан Мардок ја води компанијата без мешање од неговите политички поумерени браќа и сестри – Џејмс, Елизабет и Пруденс Мардок – ќе помогне да се зачува нејзината конзервативна уредувачка политика, со што ќе се заштити комерцијалната вредност за сите негови наследници, се вели во извештајот. 

Fox Corp, News Corp и адвокатот на Мардок не одговориле на барањата на Ројтерс за коментар, додека адвокатот на трите деца вклучени во правната битка не можел веднаш да се контактира.

Фокс Њуз продолжува да биде број еден американска кабелска информативна мрежа, играјќи влијателна улога во американската политика, особено меѓу републиканците кои ја ценат конзервативната публика на Фокс.

Мардок беше загрижен дека „недостигот на консензус“ меѓу неговите четири деца „ќе влијае на стратешките насоки во двете компании, вклучително и потенцијална преориентација на уредувачката политика и содржината“, се вели во извештајот, додавајќи дека тој исто така сака да му даде на Лахлан Мардок „постојана “ и „ексклузивна“ контрола врз компанијата, повикувајќи се на одлуката на судот. (Ројтерс)