Првата дама на Сирија, Асма ал Асад има леукемија

Дамаск – На првата дама на Сирија, Асма ал Асад, и е дијагностицирана леукемија, соопшти денеска кабинетот на сирискиот претседател. Дијагнозата доаѓа речиси пет години откако таа пријавила целосно закрепнување од рак на дојка.

Во соопштението се вели дека Асма (48) е подложена на специјална процедура за третман што бара таа да остане во изолација, поради што нејзините јавни ангажмани ќе сe откажани.

Во август 2019 година, Асма ал-Асад објави дека целосно закрепнала од рак на дојка, кој и бил дијагностициран претходно. 

Откако Сирија западна во војна во 2011 година, поранешната банкарка за инвестиции со британско потекло ја презеде јавната улога на водечки добротворни настани и средби со семејствата на загинатите војници, но стана и омразена од опозицијата.

Таа раководи со Сирискиот труст за развој, голема невладина организација која дејствува како чадор организација за многу од операциите за помош и развој во Сирија.

Минатата година, таа го придружуваше нејзиниот сопруг, претседателот Башар ал-Асад, на посета на Обединетите Арапски Емирати, нејзино прво познато официјално патување во странство со него од 2011 година. како јавен сигнал за нејзината растечка улога во јавните работи. (Ројтерс)