На Филипините им се приближува тајфунот Усаги, петта голема бура за три недели

Петтата голема бура во последните три недели, тајфунот Усаги, денеска се приближи до Филипините, што предизвика нова масовна евакуација на населението и барање од Обединетите нации за итни средства за помош на владата да ја олесни ситуацијата во тешко погодените области. 

Тајфунот Усаги, со ветрови од 185 километри на час, се очекува денеска да го погоди брегот на провинцијата Кагајан во северниот дел на Лузон, најнаселениот земјоделски регион во земјата и дополнително да зајакне.

Државната метеоролошка агенција предупреди на опасни по живот бранови до три метри, во крајбрежните области на Кагајан и седум други блиски провинции и островски групи и ги повика сите бродови да останат во пристаништето или веднаш да го избегнуваат отвореното море.