Луѓе заробени на покриви откако поплави го погодија источниот брег на Австралија (видео)
Обилни дождови предизвикаа поплави долж источниот брег на Австралија, сериозно погодувајќи ги помалите градови на околу 250 километри северно од Сиднеј, каде што жителите беа заробени на покриви, јавија денеска локалните медиуми.
🇦🇺 | Taree, NSW is facing catastrophic flooding as the Manning River exceeds its 1929 record, rising rapidly after extreme overnight rainfall.
Air rescues, road closures, and mass evacuations are underway as emergency crews work to reach stranded residents. (May 21, 2025) pic.twitter.com/22PlNdIO5W
— RenderNature (@RenderNature) May 21, 2025
Меѓу најтешко погодените се градот Тари во винскиот регион Хантер Вали и градот Вингам на средниот северен брег, пренесе ДПА.
Австралиската телевизија Еј-Би-Си информира за „поплави на невидени нивоа“, опишувајќи драматични сцени додека хеликоптери и чамци ги евакуираа жителите заробени на покриви среде обилни дождови и силни ветрови, придружени со ниски температури.
Локалните власти соопштија дека околу 1.600 лица од итните служби биле распоредени за да помогнат во спасувачките напори.
Некои жители ја поминаа ноќта заглавени на покриви среде надојдените води. Една жена за каналот 9 Њуз изјави дека таа и нејзиното семејство биле заробени околу 12 часа, опкружени со брзо надојдени кафеави поплавни води.
#BreakingNews – Dramatic footage shows when a person was winched to safety from record-breaking floodwaters in Taree on the Mid-North Coast of NSW.
LATEST ➡️ https://t.co/bAjadngOzX
📱Get the biggest stories first with The Daily Telegraph app: https://t.co/Ak293xSumk pic.twitter.com/zcCeZCI6pF— The Daily Telegraph (@dailytelegraph) May 21, 2025
Реката Менинг во регионот се искачи на рекордно ниво од над 6 метри, надминувајќи го претходниот максимум поставен во 1929 година, според 9 Њуз. Властите предупредија дека нивото на реката може да се зголеми уште повеќе доколку продолжат обилните дождови.
Повеќе од 80 училишта првично останаа затворени, а во регионот има и прекини на струја. Метеоролозите предвидуваат обилни дождови до петок. Бирото за метеорологија издаде предупредувања за „опасни по живот ненадејни поплави“ во неколку области.