Голем чекор напред во случајот со исчезнатата Медлин МекКен, родителите излегоа со специјално соопштение

Осудениот силувач Кристијан Брукнер стана за португалското правосудство и официјално осомничен во случајот со исчезнувањето на Медлин МекКан.

44-годишникот беше прогласен за осомничен за киднапирање на девојче во 2020 година од германските обвинители. Но, оттогаш не е покренато обвинение. Сега португалското правосудство го идентификуваше како главен осомничен. Обвинение се уште не е покренато, но ова е чекор кон тоа.

Со соопштение до јавноста се обратија родителите на исчезнатата Медлин, Кејт и Џери МекКен.

„Ја поздравуваме веста дека португалските власти го идентификуваа Германецот како главен осомничен во случајот со исчезнувањето на нашата сакана ќерка Медлин.

Ова го одразува напредокот во истрагата спроведена од португалските, германските и британските власти. Полицијата не информира за развојот на настаните“, напишаа тие.

„Треба да се додаде дека тој како главен осомничен се уште не е обвинет за никакви кривични дела поврзани со исчезнувањето на Медлин“, додаваат тие.

„Иако шансата е мала, не се откажавме од надежта дека Медлин е сè уште жива и дека ќе бидеме со неа“, додаваат тие.

За потсетување, тогаш тригодишната Медлин МекКан исчезна од стан во одморалиштето Праја да Луз во Португалија на 3 мај 2007 година. Истрагата за нејзиното исчезнување е една од најобемните и најскапите во поновата историја. И покрај огромните средства и големиот број детективи кои со години работат на случајот, девојчето се уште не е пронајдено ниту пак е јасно што точно се случило тој ден во одморалиштето.