Германските работодавачи ги одложуваат правилата за заштита од Ковид-19

Шест месеци по почетокот на епидемијата на корона вирусот, во Германија се уште нема унифициран правилник за заштита на вработените.

Министерството за труд кон средината на април објави препораки, но се уште не постојат обврзувачки правила на германско ниво, а според весникот „Зидојчеце цајтунг“ за тоа се виновни работодавачите.

Одредени здруженија на работодавачи се обидуваат да ја искористат кризата за да ја намалат заштитата на работното место.

Во писмото на Федералното здружение на германски здруженија на работодавачи (БДА), што беше објавено на крајот на мај, се наведува дека правилата за заштита од корона вирусот на работното место мора значително да се намалат и да се ограничат само на основите.

Здружението укажува дека заради неопходниот целосен старт на економијата, сите правила мора да бидат применливи во пракса, односно брзо и некомплицирано проверливи.

Инаку, правилата треба да се однесуваат  на основни мерки за заштита, како што се обврската за носење маска, задолжително растојание, физичко раздвојување на работните места, чести чистења и подобар систем за вентилација.