Генерацијата Z се анксиозни при нарачување храна во ресторани, некои случаи се екстремни

Британскиот синџир ресторани Prezzo спроведе истражување кое докажа дека многу припадници на генерацијата Z имаат вознемиреност кога нарачуваат храна во рестораните.
Во истражувањето учествувале 2.000 луѓе. Околу 86 проценти од младите од генерацијата З изјавиле дека имаат ваков тип на анксиозност.

Некои од овие млади луѓе (34 отсто од нив) рекоа дека се чувствуваат толку под стрес што на крајот бараат од другите луѓе на масата да разговараат со келнерите во нивно име.

Оваа вознемиреност може да биде предизвикана од грижите за постојано зголемување на цените на храната, загриженоста на младите дека нема да најдат нешто што им се допаѓа на менито или дека ќе се каат што нарачале нешто после јадење.

Некои случаи се екстремни – околу 40 проценти од членовите на генерацијата Z изјавиле дека не би отишле во ресторан доколку прво не го проверат менито (на интернет и слично).

Габриел Рубин, професор на Државниот универзитет Монтклер, неодамна објави студија во која се наведува дека генерацијата Z повеќе се плаши од светот отколку претходните генерации.

„Тие се добри во користењето технологија, но поради коронавирусот и другите фактори, тие не стекнаа важни социјални вештини. Дури и едноставните активности како нарачување храна понекогаш стануваат работи што ги избегнуваат“, рече меѓу другото.

Генерацијата Z ги вклучува оние родени помеѓу 1995 и 2012 година.