„Бронзените“ хрватски ракометари не беа дочекани во Загреб – барале Томпсон да им пее

Дочекот на хрватската ракометна репрезентација во Загреб, закажана за денеска во 15 часот на плоштадот „Бан Јосип Јелачиќ“, е откажана, објави Хрватската ракометна федерација. Ракометарите бараа на дочекот да пее Марко Перковиќ Томпсон, на што Градот Загреб не се согласи.

Ракометарите слетаа на аеродромот во Загреб во 3 часот наутро, каде што беа пречекани од бројни навивачи кои ги пееја песните на Томпсон. Заедно со навивачите, таму беа и министерот за спорт Тончи Главина и Стипо Млинариќ, пратеник од Движењето „Татковина“.

Претседателот на Хрватската ракометна федерација, Томислав Граховац, претходно изјави дека Федерацијата е свесна дека одлуката на Градското собрание на Загреб, со која му беше забрането на Марко Перковиќ Томпсон да настапува, е на сила и дека желбата на играчите, персоналот и Федерацијата е Перковиќ да настапи на забавата за добредојде, поради што забавата за добредојде е откажана.

Градоначалникот на Загреб, Томислав Томашевиќ, објави дека нема да има забава за добредојде за хрватската ракометна репрезентација во Загреб бидејќи членовите на тимот инсистирале Марко Перковиќ Томпсон да им се придружи на договорените изведувачи, што, како што вели тој, е спротивно на одлуките на градската администрација и правилата за користење на градскиот простор.

Томашевиќ изјави дека подготовките на Град Загреб за забавата за добредојде започнале откако тимот стигнал до полуфиналето на Европското првенство и дека е постигнат договор со Хрватската ракометна федерација за организирање забава за добредојде во случај на освојување на било каков медал.

Но, како што беше поставена сцената на загребскиот плоштад, така до вечерта се раскренаат звучниците, оградите, постаментите…

Хрватските медиуми спроведоа онлајн анкета на која прашаа дали Томашевиќ требало да му дозволи на Томпсон да пее на забавата за добредојде, но 52 отсто гласале против, додкеа 48 биле за.

Сепак, дочек на хрватските ракометари кои на штотуку завршеното Европско ракометно првенство го освоија теретото место имаше, но на аеродромот каде слетаа во 3 часот по полноќ.

Граѓаните кои таму се собраа ги пееја песните на Томпсон, а не изостанаа ни знамињата со повикот „За дом спремни“, што Хрватска го забрани за употреба затоа што потсетува на национализам и на усташите од кои оваа земја – членка на ЕУ, се обидува да се одвои. 

Imeno, граското собрание на Град Загреб лани во ноември донесе Заклучок со кој се повикува градоначалникот да преземе сите потребни мерки за да се спречи употребата на фашистички и усташки симболи, слогани и пароли, вклучително и „За дом спремни“, на сите јавни површини и настани под надлежност на градот.

Претходно и Уставниот суд на Хрватска  јасно кажа дека „За дом спремни“ е усташки поздрав на Независната Држава Хрватска и дека не е во согласност со Уставот.