Британија ќе ѝ испрати на Украина оклопни возила „Стормер“

Велика Британија ѝ дава на Украина „мал број“ оклопни возила „Стормер“ опремени со лансери за противвоздушни ракети „Старстрик“ за да ја зајакне воздушната одбрана на земјата.

Секретарот за одбрана Бен Валас изјави пред Долниот дом на парлементот дека со возилата ќе бидат подобрени „противвоздушни способности со краток дострел и дење и ноќе“.

Тој рече дека ракетите „Старстрик“ веќе биле распоредени и користени во Украина во последните три недели.

Валас рече дека ОК оцени дека четвртина од руските сили посветени на Украина сега се „не борбени ефективни“, а го пофали отпорот на Украина како „инспирација за сите нас“.