Анагностопулу: Нашите соседи се решени да одат напред, кршејќи ги сите националистички пречки

Алтернативната министерка за надворешни работи на Грција, Сиа Анагностопулу, преку нејзиниот официјален Твитер профил, доцна синоќа ги коментираше резултатот од вториот круг од претседателските избори и победата на Пендаровски, јави дописничката на МИА од Атина.

-Северна Македонија стави крај на националистичкото минато со ВМРО. По Договорот од Преспа, претседателските избори покажуваат дека нашите соседи се решени да одат напред, кршејќи ги сите националистички пречки, напиша Анагностопулу на Твитер.