Пратениците слободни во петоците

Потпретседателот на Собранието на Република Македонија, Весељ Мемемди на отварањето ја нагласи потребата од директна комуникација на пратениците и граѓаните во решавањето на нивните проблеми и потреби.

– Обебзбедувањето на простор е проблем во некои општини, но во соработка со ЗЕЛС ќе најдеме заеднички јазик и ќе ги отвориме преостанатите 28 за кои немаме одговор. За сите канцеларии имаме обезбедено и асистенти. Пратениците ќе бидат осолободени од обврските во петоците и тие денови ќе се користат за директен контакт и да им се излезе во пресрет на граѓаните, рече Мемеди.

Тој нагласи дека собранието има буџет за отварање на 75 вакви канцеларии. Досега за 40 има позитивни одговори од локалните самоуправи и отворени се 22. Од Собранието очекуваат одговори од 28 градоначалници на барањето за простории.

Задоволство од отварањето искажа и пратеникот од редовите на СДСМ, Благојче Трпески, нагласувајќи ја соработката како модел за успешна работа.

– Канцелариите ќе бидат отворени секој работен ден и заеднички ќе работиме за остварување на обврските кои како избраници од народот ги имаме. Ние од Гостивар сме седум пратеници и се надевам дека и понатаму ќе ја имаме соработката која досега ја имавме меѓусебе, рече Трпески

Канцеларии со асистенити во Гостивар од денеска ќе користат пратениците од ДУИ, Таљат Џафери и Мирсада Емини Асани, од ВМРО-ДПМНЕ Дафина Стојановска, од СДСМ Благојче Трпески, од крилото на Касами БЕСА, Фадиљ Зендели и од НДП, Весел Мемеди.