Вучиќ нуди помош за отстранување на Додик

Српскиот претседател Александар Вучиќ понудил преку американскиот лобист и поранешен амбасадор во Германија Ричард Гренел да помогне во отстранувањето на српскиот член на Претседателството на Босна и Херцеговина, Милорад Додик, пишува  весникот „Вијести“.

Според весникот, Гренел на 1 декември имал средба со група републикански конгресмени во хотелот „Трамп“ во Вашингтон, на која присуствувал и српскиот амбасадор во САД и долгогодишниот соработник на Вучиќ, Марко Ѓуриќ.

На состанокот, Гренел, кој беше специјален пратеник за Косово и дијалогот Белград-Приштина за претседателот Трамп, го претстави Додик како главен елемент што го нарушува Балканот, додека зборуваше за Вучиќ како партнер и извор на стабилност. На истиот состанок,  Гренел рекол дека Вучиќ ќе биде подготвен да помогне во повлекувањето или смената на Додик, нудејќи ја како алтернатива актуелниот претседател на Република Српска, Жељка Цвијановиќ.