Врвен генерал на руската тајна служба префрлен во озлогласен затвор

Врвен разузнавач на руската ФСБ е преместен во затвор со висока безбедност во Москва додека Владимир Путин ги чисти своите тајни служби поради неуспешната инвазија во Украина, се вели во извештаите.

Генералниот полковник Сергеј Беседа (68), шеф на 5-та служба на Федералната служба за безбедност (ФСБ), претходно беше во домашен притвор.

Се тврди дека тој сега е ставен во истражен затвор во озлогласениот затвор Лефортово, што укажува на тоа дека ќе се соочи со големи обвиненија за пропусти во разузнавањето.

На овој потег се гледа како на предупредување за другите високи соработници на Путин, кои се очекува да ја преземат вината за огромниот број руски жртви во Украина.

Случајот на Беседа го истражува Военото истражно одделение на Истражниот комитет, изјави рускиот експерт за разузнавање разузнавач Андреј Солдатов, кој го откри преместувањето во Лефортово.

Беседа, одговорен за разузнавањето на ФСБ и политичката субверзија во поранешниот СССР, бил на патување во Украина непосредно пред да биде приведен.

Се вели дека Путин стравува дека кртови објавиле планови за инвазијата на Запад, а Беседа бил приведен заедно со неговиот заменик Анатолиј Бољух, кој беше во домашен притвор. Сегашниот статус на Бољух е нејасен.

Рускиот лидер беше убеден на брифинзите на тајните служби дека неговите војници ќе бидат пречекани со радост од многу Украинци и ќе постигнат брза победа. Во реалноста тие се соочија со непопустлив отпор.

Затворот Лефортово озлогласено држеше политички затвореници во советската ера и рутински се користи за затворање осомничени предавници.

Минатиот месец Путин го отпушти и заменик-шефот на руската национална гарда.

Беседа беше долгогодишен доверлив функционер на тајните служби на Путин и беше на функцијата шеф на 5-та служба на ФСБ од 2009 година.

Русија не го потврди неговото апсење или притворање во Лефортово.